英超：曼聯急先鋒半場入球盛宴_東方日報

曼聯今晚主場迎戰般尼茅夫，「紅魔鬼」剛於英聯盃8強飲恨出局，重返聯賽戰場，領隊魯賓艾摩廉唔會再大意，自必精銳盡出力爭３分。不過「般茅」今季唔講得笑，無懼同對手鬥攻，睇番曼聯各項賽事近4次主場出擊，半場總入球全開2球或以上，首選中位數1.5球半場大。（Now 621周日晚10時直播）文:Mic少

曼聯喺艾摩廉接手後，近期表現略有起色，英超「曼市打吡」2比1反勝曼城，上場英聯盃8強半力出擊下，作客3比4不敵熱刺。樂觀啲睇一班主力有得休息，可以專注英超搏殺，尤其英聯盃出局後，聯賽更要向球迷交代，相信一開波就強攻「般茅」，佢哋近5次主場出擊贏4場共轟14球，攻力有一定保證，早段出現入波唔奇。

般茅有驚喜劍指前４
般尼茅夫今季有驚喜，未計尋晚賽事目前排第6位，只比第4位嘅諾定咸森林少3分，仲有機會殺入前4，加上佢哋上季造訪奧脫福，都大勝3比0而回，今晚同樣信心十足，有利開半場大。