英聯盃：紐卡素強陣打爆賓福特_東方日報

紐卡素主場對賓福特，「喜鵲」紐卡素自知無力爭奪英超錦標，所以踢盃賽態度特別認真，希望有冠軍落袋，賓福特只係識喺主場踢波，作客表現不堪一擊，近7場客場作賽，錄得1和6負劣績，紐卡素主場可敲勝鼓，推介主勝。

（周四凌晨3時45分開賽）文:臻贏特

聯賽冇得爭全力踢盃賽
紐卡素自沙特基金入主後，曾經殺入2023年英聯盃決賽，當時一心打破多年錦標荒，可惜最終不敵曼聯。今季「喜鵲」喺聯賽成績一般，半季過咗，相信目標都係捧盃仔同歐洲賽資格。

紐卡素喺上圈以2比0擊敗上屆亞軍車路士，睇番領隊艾迪侯域嗰場嘅排陣，安東尼哥頓、阿歷山大伊沙克同辛度東拿利都在陣，誠意十足，睇得出佢哋好有心爭英聯盃，預料今場都會強陣出擊。

賓福特「主場龍、作客蟲」嘅落差非常明顯，近7場作客只有1和6負，今場抽籤要作客比賽，可以話未踢已經輸咗一半，不過值得留意嘅係，佢哋輸波都多數時只係輸1粒，而紐卡素亦只係上場啱啱先贏番場，之前經歷過4場不勝，因此不宜冒險玩讓球主勝，主W熱熱哋穩陣啲。