亞冠：盡地一煲VS有前冇後 澳日水手駁火大激鬥_東方日報

亞冠精英盃上演「水手打吡」，中岸水手主場迎戰橫濱水手，澳職球隊中岸水手僅得1分，為爭出線餘下3場不容有失，應該會豁出一搏，全力搶攻爭勝。日職球隊橫濱水手近5場亞冠合共入16球，攻力強勁，無懼同對手駁火，加上中岸水手近5場亞冠有4次總入球開4球或以上，今場首選中位數3.5球嘅入球大。（HOY TV 76台周二下午4時直播）文:Mic少

中岸水手今屆亞冠精英盃演出令人失望，5戰只得1和4負，同5戰全敗嘅蔚山ＨＤ成為東亞區僅餘兩支不勝球隊。不過中岸水手數字上仍有出線機會，前提係要爭取餘下3場全勝，背水一戰之下，應會採取主攻戰術，特別係主場出擊，有球迷打氣支持，踢法會更加進取。事實上，中岸水手攻力不俗，今屆5戰都有波入，上輪作客另1支日職球隊神戶勝利船，力戰之下僅輸2比3，今仗有地利優勢，入球機會更大。

橫濱亞冠５戰入16球
另邊廂，橫濱水手狀態大勇，各項賽事5連勝，合共入16球，若淨計今屆5場亞冠精英盃，則錄得3勝1和1負攻入16球，球隊現時士氣非常高昂，即使遠赴澳洲比賽，亦唔會退縮。但要留意橫濱水手防線並唔穩陣，尤其是作客往往中門大開，包括9月亞冠以3比7大敗於ＦＣ光州腳下，以及打和ＦＣ山東2比2，今場橫濱水手客W有暗湧，3.5球入球大更值捧場。