亞冠精英盃：出線在望艾納斯蓄細待法_東方日報

今晚亞冠精英盃B組焦點戰，艾加拉法主場硬撼艾納斯。艾納斯有C朗（圖）等巨星壓陣，但出線在望唔慌急，加上每逢亞冠客場都穩打穩紮，今場入波唔會多。（HOY TV 76台周二凌晨零時直播）

艾加拉法會改善防守
艾加拉法亞冠頭4輪只得1勝1和2負，喺B組排第6，呢支卡超球隊坐擁祖斯盧辛馬田及洛迪高等西班牙外援，攻力唔曳，奈何佢哋防守一般，今屆4輪亞冠場場有失波，為求出線相信會刻意改善防守。

艾納斯亞冠首輪和波失分，之後3輪全勝，依家以10分排第3，若然今場贏波，好大機會能保住前8出線資格，絕對係你急佢唔急。艾納斯有C朗、沙迪奧文尼及波索域等球星，火力唔使懷疑，不過呢支沙特勁旅亞冠作客特別保守，連同上屆在內，近5場亞冠作客只失3球，全開2球或以下，加上意大利主帥皮奧利中途接手後，防守有顯著進步，今場必定穩中求勝。文:法達斯維