聖日門主場冇“德”輸_澳門日報

聖日門主場冇“德”輸

巴黎聖日門今晚在歐冠盃將主場撼馬德里體育會。聖日門近況甚佳，迎擊反彈回穩的馬體會仍有本錢坐和望贏。

巴黎聖日門近五場不敗，取得三勝兩和入十球，但僅兩場入超過一球，火力未算穩，尤其在歐冠三戰僅入兩球，其中一球更是烏龍球；目前在歐冠僅一勝一和一負排十九位，要出線需盡快返勝軌；目前有利維斯、巴高拿及迪比利等狀態不錯，配合李康仁及F雷斯等攻力不差；幸馬體會在歐冠亦表現麻麻，聖日門藉主場有力保不敗。

聖日門教練安歷基希望在歐冠能反彈：“球隊近況不錯，我們希望盡力爭取更高排名，走得更遠，希望球員能爭取機會及把握入球，在主場踢好波。”

作客的馬體會在西班牙盃及聯賽兩連勝反彈，但對手只是弱旅；在歐冠僅一勝兩負，近五場入八球攻力一般；後場有基文尼斯停賽，艾斯派古達、勒洛文特亦缺陣，羅蘭迪及利馬上陣成疑，攻守均受影響；基斯文腳風不順，索洛夫、艾華里斯及G施蒙尼等要擔起入球重任，不過近期作客麻麻，到訪巴黎要贏唔容易。

巴塞勢摘“星”

此外，巴塞近期贏不停，六連勝狂轟廿四球僅失三球，利雲度斯基、耶馬、拉菲拿及奧莫等着晒火輪流入波，今晚到訪貝爾格萊德紅星，即使輪換亦有加維、法迪、迪莊及F盧比斯等領軍，人腳仍遠勝主隊。紅星近期雖三連勝，但級數難與巴塞相比，上仗歐冠亦慘敗摩納哥腳下兼三戰全敗，主場亦難抵抗，凶多吉少。