世南美：作客智利巴西頹細未止_東方日報

聽朝世盃外圍賽南美洲區，陷入低谷嘅巴西作客智利，「森巴兵團」近5場世盃外輸咗4場，加上進攻主力雲尼斯奧斯祖利亞及中堅艾達米列達奧因傷缺陣，攻守大受影響，莫講話要贏，連想入波都有難度。睇番佢哋近7場世盃外有6場總入球開出2球或以下，轉捧中位數2.5球入球細。（HOYTV76台周五早上8時直播）

巴西今年1月搵嚟杜利華祖利亞擔任主帥，可惜佢教波能力有限，巴西喺7月美洲國家盃8強出局，之後世盃外亦踢到一無是處，上輪作客0比1不敵弱隊巴拉圭，士氣非常低迷，遇上智利亦冇乜甜頭。智利近5場世盃外未贏過，預料會以1分做目標，面對今非昔比嘅「森巴兵團」，有力保住唔失波。

美斯復出阿根廷半Ｗ拉唔住
較早時間仲有場阿根廷作客委內瑞拉，兩隊實力懸殊，阿根廷更有球王美斯傷愈復出，令球隊如虎添翼。雙方近3次對賽，阿根廷全部上半場領先，再追半場客勝。（周五凌晨5時開賽）