亞冠：蔚山靠士氣出崎制勝_東方日報

亞冠精英盃A組首場矚目對決，蔚山HD主場迎戰川崎前鋒。呢隊「韓職1哥」正全力衝擊韓職3連霸，球隊主場佔極大優勢，翻查往績，蔚山HD近8次亞冠盃主場7勝1和。川崎前鋒近年成績大跌，而且近年作客蔚山HD多數輸波，主勝十拿九穩。（HOY TV 76台周三晚6時直播）

川崎前鋒表現跌Watt
蔚山HD係兩屆亞冠盃盟主，教練係前港隊主帥金判坤，韓足盃亦已殺入決賽，加上亞冠精英盃開鑼，近期將會3線作戰，Kim Sir強項係激勵球員拚搏，今次主場出擊戰意唔使懷疑。

川崎前鋒近年成績大跌，今季日職暫時排14位，已經爭標無望，嚟到亞洲賽難望有好成績。加上雙方近年亞冠盃碰頭，蔚山HD近6次主場對川崎前鋒，取得4勝2和不敗，明顯格食格，蔚山HD主勝甚有把握。文:邪神