佩芝：麥總登「艦」 鋒線人才滿瀉_星島日報

歐國盃及南美盃曲終人散，在此恭喜西班牙同阿根廷各奪冠軍。不過歐洲五大聯賽球會嘅轉會窗仍然馬不停蹄。

當中法國球王基利安麥巴比最終轉會皇馬，相信令到領隊安察洛堤有幸福的煩惱，排兵布陣上都要花更多心思。雖然麥總能夠打中鋒位置，但打左翼位置表現明顯較佳，但本身球會有雲尼斯奧斯祖利亞呢位世界級嘅翼鋒球員在陣，安帥究竟會如何處理呢？

而喺歐國盃表現出色嘅土耳其小將艾達古拿，司職前鋒位置，偏右或正中前鋒都能勝任，於歐國盃貢獻1入球兩助攻，表現令人眼前一亮，最終更領軍擊敗「黑馬」奧地利，打入8強； 不過現年19歲嘅古拿殊前途無可限量，位置上亦同洛迪高高斯或費達歷高華維迪重疊，變相出場機會變少，未知呢一季會否外借其他球會打滾一下，吸取更多經驗，來季才回饋球隊，亦係安帥需要考慮的問題之一。佩芝