美聯：兩老缺陣仲醒神邁亞密半大要追_東方日報

聽朝上演美職，國際邁亞密主場迎戰FC多倫多，「星戰球隊」國際邁亞密缺少2位頂級射手美斯、蘇亞雷斯之下，成績反而仲好，近5場聯賽取得4勝1負，並且踢法豪邁，近4仗上半場總入球全開2球或以上，不妨再追中位數1.5球嘅半場大。（周四早上7時30分開賽）

美斯、蘇亞雷斯早前出戰美洲國家盃，二人自從6月初披甲對聖路易城SC後，就一直未有喺美職亮相。不過，「雙斯」缺陣近5場美職，國際邁亞密演出不俗，一度連贏4場，直至上仗突然以1比6大敗於FC辛辛那提腳下。

FC多倫多防守不穩等劏
邁亞密一向大打「明星牌」，以進攻足球吸引球迷，即使遭遇慘敗，都唔會改變有前冇後踢法，加上今場對手FC多倫多比較弱，預料邁亞密更加會傾力搶攻，力爭重敲勝鼓。

至於FC多倫多早前遭遇聯賽6連敗，直至上仗以2比1反勝費城聯「止血」。呢支加拿大球隊同樣防守不穩，近3場聯賽作客全敗，合共失9球，並且3場都係上半場已失守，相信邁亞密有望迅速入波，半場大值追。