歐國盃：3大擂台躉出擊英格蘭要追數 西班牙意大利爭首名_星島日報

今晚歐國盃又有3場，其中在香港有大量球迷撐的英格蘭、西班牙和意大利都會同日登場，球迷們捱下夜都值得。C組頭場生死戰，斯洛文尼亞同塞爾維亞分別得1分同0分，今場一定打甩脾。同組英格蘭在首輪只能小勝塞爾維亞，表現備受批評，一班英超當打球星點會認低威，除咗上場有波入的祖迪比寧咸，菲爾科頓同首席中鋒哈利卡尼都未開齋，丹麥要自求多福了。尾場B組的西班牙同意大利近年經常交手，但今屆新兵不少，前者有16歲天才拉明耶馬爭做歐國盃最佳年輕球員，密切留意。