友誼賽：蘇格蘭改打地面戰有驚喜_東方日報

蘇格蘭連續兩屆殺入決賽周，但實際歷來只係第4次，球隊於外圍賽表現亮麗，曾經擊敗西班牙及挪威，以次名出線。蘇格蘭再不只係「高Q大棍」，球隊地面組織功夫不俗，個別球員如麥湯米尼及安德魯羅拔臣更具備頂級球星級數，不過麥湯米尼外圍賽射入7球嘅魔法，能否喺決賽周再度顯現？

奇勒「寸王」徒弟帶蘇軍彈起
奇勒2004至2007年，喺車路士成為摩連奴副手。2012年開始，佢教過西布朗、雷丁同基爾馬諾克，到2019年執教蘇格蘭，球隊世界排名亦由50跳升到39，證明球隊有明顯進步。