佩芝：夏蘭特返嚟嘞 曼城2:0啱啱好_星島日報

英超煞科戰，周日同時間上演最後一輪賽事，曼城及阿仙奴雙雄爭標，力拼最後一戰，榜首藍月亮將主場迎戰韋斯咸。 主隊曼城領先次席嘅阿仙奴2分，只要今場贏波，就能實現史上首支英超球隊4連霸。上仗藍月亮2:0擊退熱刺全取3分，雖然門將艾達臣摩拉斯因傷退陣，但後備門將史堤芬奧迪加表演勇武，阻擋孫興民嘅半單刀，令球隊仍然有爭冠嘅主導權；加上球隊首席射手艾寧夏蘭特季尾再度發力，今季已攻入27球，入球有保證。曼城今場面對戰意消沉兼作客連敗嘅錘仔幫，小妹認為曼城拎一個保險波，贏2粒啱啱好。佩芝