皇馬打吡斬瓜切“塞”_澳門日報

皇馬打吡斬瓜切“塞” 西甲國家打吡，皇馬班拿貝主場出擊硬撼巴塞。兩隊歐冠結果天與地，主場的皇馬晉級四強士氣正盛，縱使體能輸蝕，靠班拿貝主場仍有力睇高半線擊敗巴塞，為重奪聯賽冠軍掃除最後一塊絆腳石。 皇馬歐冠激戰百二分鐘踢走曼城入四強，宿敵巴塞則浪費領先的大好機會主場輸波出局，論狀態士氣，這一刻的皇馬明顯更強勢。兩隊人腳實力接近，皇馬靠雲尼斯奧斯、比寧咸及高斯組合進攻有保證；巴塞亦有拉菲拿狀態大勇，連同利雲度斯基、菲歷斯進攻火力同樣不弱。皇馬踢足百二分鐘，體能或輸蝕，但次選門將路恩今季表現穩健大演身價，配合魯迪加、米列達奧把關，依靠班拿貝主場地利，睇好皇馬力保主場不敗再全力求勝。 巴塞後衛古迪激勵球隊：“歐冠出局是一個打擊，但我們相信球隊能夠及時收拾好心情，專心踢好聯賽。我們目前落後皇馬八分，如果能夠贏下今場，仍有機會爭冠，我們渴望再次贏得聯賽冠軍。球隊不會受任何失利影響，有信心作客環境下，仍能在皇馬身上贏得勝利。” 馬體會反彈“拉”唔住 馬體會作客艾拉維斯，馬體會歐冠未能保住勝局，不敵多蒙特出局，士氣受挫。幸今場對手艾拉維斯實力有限，基斯文、摩拉達領軍人腳佔優，馬體會有望把握機會返勝軌，重振士氣。