歐聯：賓菲加做東請食賽_東方日報

歐霸盃8強首回合，賓菲加主場迎戰馬賽。葡超勁旅賓菲加今屆由歐聯「空降」，目標直指冠軍寶座，佢哋最大武器就係強大主場威力，近8次喺地頭出擊6勝2和，今仗可秤高一線，主勝值得捧場。 （周五凌晨3時開賽） 賓菲加上場聯賽榜首大戰作客輸畀士砵亭，爭標機會大打折扣，歐霸盃就相對變得更加重要，佢哋喺主場出戰向來踢高一線，依家已經連續19場主場不敗，對上8次主場有6勝，強大戰績值得信賴。 馬賽近４仗全敗 相反法甲球會馬賽近期表現大跌watt，近4仗均落敗而回，而且佢哋不擅作客，近3仗歐洲賽作客1和2負，包括16強作客維拉利爾輸1比3，今仗面對「地頭龍」賓菲加凶多吉少，博主勝好路。