澳職：西悉尼搶位大陣仗_東方日報

爭入季後賽關鍵戰 是日澳職賽事，由西悉尼流浪者主場迎戰布里斯班獅吼，今場勝負直接關乎季後賽席位。西悉尼要搶3分保住前6入季後賽，布里斯班獅吼則要後來居上，今仗贏波係唯一機會，雙方戰意肯定高昂，預料會大踢進攻足球，3.5球嘅入球大抵玩。（無綫myTV SUPER周五下午4時45分直播） 西悉尼流浪者依家守住最後1個季後賽席位，領先第7位嘅墨爾本城4分，不過佢哋主場表現就令人擔心，對上5場主場1和4負，大開大合嘅高風險踢法令成績不穩，近3場主場被對手轟入10球，總入球全開4球或以上，今仗好大機會繼續狂攻客隊。 獅吼夠料駁火 布里斯班獅吼落後西悉尼流浪者8分，仍然有一絲入季後賽希望，前提係今仗要直接KO對方，進攻嘅決心唔需要懷疑。獅吼近7次對西悉尼都有入波，包括今季聯賽同盃賽兩次對碰加埋入6球，絕對有把握撕破主隊防線，博3.5球入球大係明智之選。