今日不如講吓德國小國腳，德國U21啱啱喺周五凌晨對科索沃U21，爭取U21歐國盃嘅資格，整場波都係德國佔優，但係難以取得入球。
今場波由於賀芬咸攻擊中場麥斯比亞提升至大國腳，由以往嘅4231變成一個3421陣式。上半場德國隊都踢得幾老鼠拉龜，只係錄得2次射門，對科索沃毫無威脅，對方擺咗一架大巴喺禁區入面，德國嘅拆解方法都係兩邊傳中，但傳中質素極之失望，尤其係效力法蘭克福嘅紐亞夫，作為一個喺德甲上面恆常上陣嘅球員，傳中卻過晒廟；同時亦配合唔到尤素法莫高高，後者攞到波後支援嘅人數，都係少之有少，即使佢攞波好黐腳絕對超班，但係面對四五個敵人，仍然難以起腳，去到下半場佢亦浪費咗一個僅有傳中嘅黃金機會，亦都俾人換走埋。
下半場其實德國嘗試加快比賽節奏，亦都願意起多咗腳，整體戰況亦都唔大變，仍然受制於科索沃嘅大巴，最後都係0:0收場。然而仍然有一個球員幾抵讚，就係效力科隆艾歷馬泰爾，佢喺德甲嘅賣點係防守，無論空中爭奪，攔截嘅能力非常之強，但由於對科索沃嘅關係，撳住嚟踢整場波梳理都唔錯，傳球根柢亦都好扎實，最有威脅嘅遠射都係佢產生，可惜射中人改變方向。
今場波德國細國腳表現令人擔心，不過都係一場波，之後比賽表現可否更上一層樓？大家可以留意吓德國足總YouTube。Willhappy
马格德堡
布伦瑞克
粤公网安备44011302004166号