意甲：激戰過後未回氣 羅馬細盤冇甩拖_東方日報

今晚意甲羅馬主場迎戰拖連奴，羅馬剛於上周中歐霸盃附加賽次回合，要踢足120分鐘，先憑互射12碼淘汰飛燕諾，消耗大量體力，匆匆再戰或影響發揮。拖連奴實力稍遜，但擅長防守，近10場聯賽作客有9次總入球開2球或以下，最好揀中位數2.5球嘅入球細。（Now 638周二凌晨1時30分直播） 拖連奴作客例泊大巴 羅馬上月中改由迪羅斯接手後，雖然戰術比前任教練摩連奴進取，但因防線不穩經常險象環生。呢位40歲少帥近期針對性鞏固防守，上輪聯賽對費辛隆尼就力保不失，歐霸盃對飛燕諾，兩回合法定時間亦踢成1比1。事實上，迪羅斯球員時代司職防守中場，甚至試過客串中堅，深明布防之道，加上踢完歐霸盃耗力甚大，今場節奏會拖番慢啲，唔會搶盡。 作客嘅拖連奴欠缺數胡射手，只能以主守踢法，目前效果尚可，今季踢25場聯賽僅失22球，仲少過排第3嘅ＡＣ米蘭。拖連奴「泊大巴」戰術作客更明顯，近6場聯賽作客有兩場悶和0比0，有力抵禦羅馬攻勢，預料入波唔會多，細盤值博。