非國盃：塞內加爾喀麥隆細均力敵_東方日報

今晚非國盃續有第2輪分組賽，其中喺C組嘅塞內加爾再度登場，火併喀麥隆。衞冕嘅塞內加爾首仗出擊，即以3比0大勝而回，表現對辦。另邊廂，喀麥隆有曼聯門將奧拿拿趕及上陣，後防當堂醒神，加上雙方對碰例少交收，細盤值陣。 （Now 638周六凌晨1時直播） 塞內加爾首場贏波過程輕鬆，一對中場柏比古爾同林米尼卡馬拉均開齋，後者更梅開二度，前利物浦球星沙迪奧文尼亦交出1個助攻，不過前面仲有車路士前鋒尼高拉斯積遜浪費機會，對進攻有影響。 喀軍奧拿拿「歸位」 喀麥隆首仗在先落後情況下，憑法蘭基馬格利建功逼和畿內亞1比1，今場對實力更強嘅塞內加爾，定必加強防守，首場缺陣嘅奧拿拿將可把關，佢揚言喀麥隆比曼聯重要，有佢守住大門，塞內加爾要大炒有一定難度，況且雙方近4次交手全開2球或以下，2.5球入球細係最佳選擇。