英足盃重賽：愛華頓主W機會高_星島日報

亞洲盃決賽周已開波幾日，因為香港隊難得有份參加，令賽事得到前所未有重視，熱度非常高。香港球員亦未有令大家失望，首仗對阿聯酋雖然輸1:3，但表現相當不俗，絕對有交代，若非球證判兩個有爭議12碼，和波亦非奇事。 無論如何，香港在亞洲盃都被視為弱旅，希望他們盡力而為，打好餘下兩仗，希望創造出線奇跡。 愛華頓、水晶宮在英足盃亦被視為冷門，兩軍周四凌晨進行第3圈重賽，愛華頓上場作客和0:0，重賽有主場之利，可以睇高一線。而且兩隊攻力都欠銳利，入球把握較弱，細盤亦可以兼顧。Kinki