非國盃：埃及超班強細出擊_東方日報

非國盃其中3支贏得最多冠軍嘅球隊，埃及、加納同尼日利亞同日登場，3支前冠軍當然以捧盃為目標，不過非國盃極旺入球細，即使球隊超班都好少大炒對手，一次過分析晒3場畀大家，各位球迷自己選擇玩邊場。 先講爭標分子埃及喺B組首場出擊，迎戰莫桑比克。埃及係非國盃史上奪冠次數最多球隊，總共贏過7次，佢哋上屆亦都打入決賽，最終輸畀塞內加爾得亞軍。今屆球隊繼續有穆罕默德沙拿領軍，目標直指冠軍，埃及實力超班，但甚少大勝對手，近5場4次開2球或以下；莫桑比克對住埃及肯定會做好防守，2.5球入球細機會高。（Now 638周一凌晨1時直播） 加納贏得超霸鷹細盤有畿 同組加納就會鬥佛得角，加納4度贏得冠軍，另外攞過5次亞軍亦係最多嘅「阿二」，喺非洲實力當然雄厚，而且佢哋食住佛得角，近4次交手贏晒，主勝值得捧場（周一凌晨4時開賽）。至於頭場尼日利亞對赤道畿內亞，「超霸鷹」個朵夠響，所以今場主Ｗ好熱，但其實赤道畿內亞近年持續進步，近3屆非國盃決賽周都殺入淘汰賽階段，尼日利亞並非予取予攜，既然赤道畿內亞近6場全開2球或以下，不如轉玩2.5球入球細好過。（周日晚10時開賽）