意甲：近6主場未輸過 蒙沙細抗祖雲達斯_東方日報

周六凌晨意甲賽事，爭標份子祖雲達斯作客蒙沙，希望繼續靠堅固防守延續近期強勁走勢。蒙沙踢法硬淨，主場出擊亦向來穩陣，預計今仗出現入球嘅機會唔會多，2.5球入球細好路。 （now 638周六凌晨3時45分直播） 祖雲達斯上場榜首大戰，同「1哥」國際米蘭踢成1比1，目前落後國米2分排喺積分榜次席，形勢唔差。祖雲達斯近況極佳，近8場聯賽6勝2和，鋼鐵防守係佢哋踢出爭標氣勢嘅最大原因，祖雲達斯喺呢8場聯賽當中，有6場保持不失，當中7次總入球開2球或以下。 客軍防線硬淨 主場嘅蒙沙亦相當硬淨，對上6場聯賽主場保持不敗，佢哋今季場均失球數字亦少過1球，足見由柏保維拿領導嘅防線相當可靠。祖雲達斯以爭冠為目標，球員經驗豐富，硬淨之餘亦慣穩中求勝，2.5球入球細係最佳選擇。