歐聯：白禮頓速戰速決吼實半Ｗ_東方日報

今晚歐霸盃B組，希臘球隊AEK雅典主場鬥英超白禮頓。首循環AEK雅典作客贏3比2，但之後無以為繼，近3場分組賽未贏過，全部上半場已經落後，防線相當脆弱。反觀白禮頓愈戰愈勇，歐霸盃錄兩連勝，為爭首名直接出線資格，今仗必先下手為強，一於博白禮頓半場客勝。 （Now 644周五凌晨1時45分直播） AEK雅典防線欠缺集中 AEK雅典向來只屬歐洲賽陪跑分子，首循環贏到白禮頓，好大程度上因為當時對手陣容不整及欠缺歐洲賽經驗，所以成功「偷雞」，之後對住阿積士及馬賽即現晒形，包括近兩場分組賽被馬賽「雙殺」。AEK雅典最大問題係後防經常唔集中犯錯，4輪分組賽被判罰5球12碼，遇上踢法進取嘅白禮頓，防線壓力更大。 目前小組排第二嘅白禮頓落後榜首馬賽1分，為爭首名今仗3分志在必得，佢哋近況相當穩定，各項賽事近6場不敗，包括近兩場歐霸盃同樣以2比0擊敗阿積士，兩場都係半場已領先，今仗再遇AEK雅典，正好速戰速決報番首循環之仇。