歐國盃：榜首之爭丹麥半大有着洛_東方日報

H組榜首大戰，丹麥主場迎戰斯洛文尼亞。丹麥與斯洛文尼亞現時同得19分，比第3位嘅哈薩克多4分，賽程剩番2場，今場邊隊贏波全取3分，就能夠提早一輪進身決賽周，雙方鬥志都不容懷疑，斯洛文尼亞鍾意打急攻，近5場4次半場開2球或以上，今場再追1.5球半場大。 （周六凌晨3時45分開賽） 睇番兩隊最後一場賽事，丹麥最後一場作客北愛爾蘭，而斯洛文尼亞則主場鬥哈薩克，表面上丹麥對已經出局嘅北愛爾蘭，形勢較有利，而哈薩克仍有後上機會，斯洛文尼亞唔可以大意，隨時會無喇喇出局。 斯洛文尼亞無懼對攻 既然呢場大好機會放喺眼前，雙方都會把握希望提早出線，事實上兩軍狀態都好好，大家都係上輪互對踢成1比1後，其後4場分組賽全勝。丹麥擁有主場之利，當然希望喺主場球迷面前揚威，而斯洛文尼亞作客亦唔差，小組4場作客則3勝1負，加上佢哋踢法急攻，近5場4次半場開2球或以上，今場鬥攻快出現入波，半場大玩得過。