英錦賽：黑池主演入球騷_東方日報

崇尚進攻踢法 周三凌晨英錦標北部A組賽事，英甲球隊黑池主場迎戰英乙嘅摩甘比。黑池喺小組兩連勝後已經篤定出線，不過佢哋以踢法進取見稱，冇出局壓力之下，主場會大踢進攻足球，3.5球入球大必捧！（周三凌晨3時開賽） 黑池今季喺英甲表現唔差，依家排喺第8位，有機會爭升班，喺英錦標更加順風順水，上輪主場5比2大破利物浦U21後，兩戰全勝提早出線。黑池崇尚進攻，近6主場攻入18球，有5次總入球開4球或以上，今仗喺主場球迷面前會繼續大踢進攻足球。 摩甘比射手着晒火 作客嘅摩甘比今場只需要1分即可出線，佢哋亦唔係死守型球隊，對上6場作客賽事都入12球，首席射手米高美倫係蘇格蘭U21國腳，近6場比賽入5球狀態大勇。今場雖然越級挑戰，但摩甘比要出線唔會坐以待斃，無懼同黑池駁火，3.5球入球大揀得過。