亞冠：伊蒂哈德半和夠體頭_東方日報

今晚亞冠盃C組賽事，沙特阿拉伯勁旅伊蒂哈德作客伊拉克嘅空軍體育會。兩隊上月交鋒，伊蒂哈德去到補時先絕殺對手，實力差距唔算太大，今次輪到空軍體育會主場，預計戰況依然緊湊，半場和值得一博。（HOY TV 76台周一晚8時直播） 空軍體育會伺機而行 亞洲足協早前宣布，伊蒂哈德上月亞冠盃作客沙巴罕取消一仗，判伊蒂哈德贏3比0，意味佢哋3戰全勝穩坐小組榜首，出線形勢非常樂觀。由於伊蒂哈德喺聯賽連番失利，甚有機會留力喺聯賽度，賓施馬、法賓奴及尼高路簡迪等球星未必會踢足，加上主帥紐奴戰術保守，作客尤其謹慎，想贏波唔容易。 空軍體育會目前排小組次席，為求出線今仗相信會先求不敗，再伺機而行，睇下偷唔偷到雞。唔計對沙巴罕判贏嗰場，伊蒂哈德近4場亞冠盃3次開半場和，踢法明顯慢熱，一於再追。