美聯：西岸3哥火力猛 FC洛杉磯搶半場大_東方日報

美職季後賽第1圈，西岸第6位嘅溫哥華白帽，主場迎戰第3名嘅FC洛杉磯，兩支球隊都以進攻力強見稱，今季常規賽入波超過50球，屬西岸3支最強攻擊力球隊之一，首回合兩隊已經攻得非常燦爛，今仗博1.5球半場大好路！（周一早上8時30分開賽） 今圈賽事採用3場盤2勝制，FC洛杉磯首仗主場5比2大勝先拔頭籌，佢哋近期火力全開，對上4仗狂入15球，一眾前鋒殺得性起，而且往往喺上半場已經向對手瘋狂施壓，近4仗有3次半場開2球或以上。 白帽焗攻必搏盡 至於溫哥華白帽季尾狀態差勁，近8場比賽只得1勝，不過喺今季入16球嘅射手拜恩韋德帶動下，鋒力依然銳利，近6場攻入10球，而且佢哋今仗再輸就會出局，必定藉主場之利搶攻，預料上半場已經會進行駁火，開1.5球半場大機會甚高。