意甲：熱拿亞搶主Ｗ簡單任務_東方日報

意甲下游大戰，熱拿亞主場對沙蘭力坦拿，兩隊成績同樣不濟，今仗交鋒被視為護級前哨戰，但相比之下，熱拿亞實力稍為佔優，曾經爆冷擊敗拉素及羅馬，加上沙蘭力坦拿聯賽作客3連敗，預料難有作為。1.58倍熱拿亞主勝可捧之餘，亦可作過關變倍器。 （周六凌晨2時45分開賽） 熱拿亞現時排第15位，僅領先尾3烏甸尼斯2分，如果再失分，好可能會跌落降班區。其實熱拿亞主場表現唔錯，曾經大勝羅馬4比1，早前對另一支傳統勁旅AC米蘭，踢到87分鐘先至失守僅負0比1，雖敗不辱，今仗對手只係排尾二嘅沙蘭力坦拿，正係熱拿亞搶分好機會，應該會主攻求勝。此外，熱拿亞射手列迪古已經接近傷愈，若然今仗復出，將進一步增加贏波本錢。 沙蘭力坦拿輸到慌 至於沙蘭力坦拿今季踢9場聯賽僅4和5負，屬於僅餘3支仍然未贏波嘅球隊之一，並且表現每況愈下，近4場聯賽輸3仗，特別係近3場作客全敗兼冇入波，當中對手只係弱隊萊切、安玻里及蒙沙，可見沙蘭力坦拿即使遇上同級對手都處於劣勢，恐怕今仗無力發圍。